【照顧者友善社區】抽血要擇日？

長者覆診前注意事項！

【照顧者友善社區】抽血要擇日？

「今早陪老豆，明愛醫院抽血，等百幾二百人，老人空腹等，我陪診也暈陀陀」

唔少有長期病患的長者，覆診前要驗血，方便醫生覆診時有報告跟進病情，但帶住老人家抽血可能變成照顧者的「大懲罰」。

在啱傾CarersChat聊天室，有照顧者星期一朝早帶爸爸去抽血，結果「中伏」，隨即留言請教究竟幾時係抽血「好日子」？

綜合幾位有經驗的照顧者，原來要注意：

- 覆診前七日內抽血都得，唔使指定日子，總之唔好揀星期一

- 公眾假期之後第一日都唔好揀

- 啲公公婆婆最鍾意一早到，唔好同佢哋爭，午膳前半小時到會快啲

- 如果唔係空腹抽血，揀下午三、四點去就最好

如果空腹抽血，上午10點幾、11點圥去，寧願等老人家瞓晏啲

而家好多公立醫院都有預約抽血服務，預約咗先去就好好多

仲有，記得檢查清楚有無帶抽血紙，帶錯覆診紙就要撲返屋企攞

「今次太蠢揀星期一⋯⋯折磨」

照顧不容易，一齊在聊天室分享經驗，走少啲冤枉路呀！