【照顧者友善社區】唔住老人院得唔得？

照顧者經驗分享

在啱傾CarersChat 聊天室「院舍照顧者小組」，不時有照顧者留言查詢院舍質素。

「一直希望工人不會辭職，萬一辭職又找不到人，我就要送媽媽入院舍」

原來，媽媽無法與工人姐姐相處，喊打又趕人，甚至叫救命驚動鄰居，照顧者返緊工都要趕回家調停。

為了好好照顧媽媽，照顧者做足功課，搵院舍時計過護理員與老人的比例，又關心環境衞生：「最重要無床蝨」，但內心仍擔心院舍會否照顧得好：「住院舍一定有褥瘡？」

照顧者希望努力將媽媽留在家：

「會盡量堅持照顧到最後」

「傾向選擇自己搬回媽媽舊居同住，只請一個工人繼續同媽媽同房」

另一位照顧者，有工人照顧認知障礙症媽媽，但中風的爸爸將要出院，問有冇好院舍介紹：

「要帶媽媽出去多啲社交，但又唔可以獨留爸爸在家，好頭痛」

其他照顧者提供意見：

「中風老人家神智清醒，入院舍會好唔開心，反而喺屋企康復機會大啲」

更教路可以使用不同的服務幫手照顧：

社署/社福機構的離院支援計劃

日間醫院服務

社康護士上門

長者家居暫托服務：「可以搵人上門頂幾個鐘，唔使錢」

一齊想辦法，讓長者居家照顧！