【照顧者友善社區】壓瘡點護理？

分享產品使用心得

長者不適入院，要長期臥床或者包尿片，院方人手有限，未必能及時為病人護理皮膚，結果出現住院惡夢——壓瘡，令家人心痛又頭痛。

在啱傾CarersChat聊天室，有爆煲照顧者留言：收到爸爸在醫院療養院壓瘡嚴重，好灰，唔知有咩好做，喊咗

照顧者又感覺醫護未有熱心回應：樣樣都話唔使買，佢哋熟過我用咩藥

幸好，其他照顧者紛紛送暖，提供意見

照顧者：先問吓醫生怎樣說，如果佢話要打抗生素療程，咁就起碼要打一個月，問可唔可以用口服抗生素，因為打抗生素針入血管，藥性好強，副作用好大，呢啲都係我媽經歷過

照顧者：問醫生可否用 Hyperoil advanced wound dressing，朋友用過，好得快啲

另一位照顧者剛接媽媽出院：請問各位如果住醫院住到個Pat Pat爛晒要搽乜嘢？

有照顧者立即圖文並茂介紹四款產品，包括潤膚油、社康護士教洗傷口用的造口粉、免水洗清潔劑等等，有得搽，有得噴。

照顧者「好後悔出咗院先知有乾洗潔膚劑！」