【照顧者友善社區】 長者唔肯沖涼？！

照顧者應對心得

🙋「老人家四五天不肯沖涼換衫，有什麼辦法？」

這可能是認知障礙症照顧者遇到的世紀難題之一，當照顧者在啱傾Carers Chat聊天群組提出，隨即引起踴躍回應。

經驗豐富的照顧者都知道，首先要了解原因。🙋：「話自己有分數，唔駛你管，一叫沖涼就發脾氣，話日日有沖，其實是無⋯⋯有時唔肯攞衫去洗，有時放返入櫃桶。」

大家估計老人家根本唔記得自己無沖涼，紛紛分享心得：

💬哄長者沖完涼去街飲茶

💬話有件衫好靚，不如沖涼換衫去街

💬話工人姐姐太得閒，幫手俾啲衫佢洗

谷友們更提供認知障礙症協會、耆智園的網頁連結，提供應對的照顧技巧。

有細心的照顧者分享自己曾就媽媽拒絕沖涼尋求輔導，發現原來媽媽已忘記開水步驟，對水溫很敏感，太熱會尖叫，於是見招拆招：

1️⃣安裝上牆浴椅，可以坐著慢慢沖涼

2️⃣媽媽分不清洗頭水、沐浴露等等，改買三合一，避免選擇困難

3️⃣媽媽唔習慣用三合一，就買返鐘意的包裝品牌，但倒出原有的，裝三合一入去，亂用都唔怕😅

綜合谷友的看法，大家都同意每位長者都不一樣，同一招未必適合另一位老人家，要花時間嘗試不同的方法：「盡量當自己喺佢個世界，同佢對話，真係潛行空間咁😅」

樓主話試過很多方法，歡迎谷友們提供「天馬行空」😅的建議

有谷友發揮創意：不如一家人去staycation，輪流沖涼🤩

不過樓主話：佢經常當自己旅行住緊酒店，常常執嘢話要返屋企😥

大家有無一些「獨門」應對良方？