【#50歲後才開始的事】
60出頭入住長者屋，係乜嘢玩法？（下）
見到不少《大銀》讀者話有興趣，希望提供多啲資料，如入住資格費用等等。
心諗：日本連管理遊客登富士山、又或者旅館酒店食肆，都經常出現溝通文化上的問題，真不敢想像外國人入住長者屋會係怎樣的光景⋯😱
除非喺日本住上一段時間，已經有永住權或入籍，懂日語（唔係旅行識叫omakase咁簡單）。除日常生活溝通外，申請入住手續契約財務安排保證人等等非常繁複，唔係話搵個律師或翻譯就得。
寫呢篇文，目的唔係話日本有幾好乜乜乜⋯而係提供一個模式，一種個人選擇，給香港有志從事安老服務人士參考。
近年香港都有類似模式長者屋，如房協彩頣居，較高級的有北角丹拿山「雋悅」（李怡先生以前都住過，佢話住得好開心）。
日本模式一樣，所費不菲，等同買一間無業權、只有終身居住權嘅樓，只適合唔需要留低遺產給子女嘅人士，另外每月還要支付約港幣五位數字嘅管理費服務費。
個人意見，應大力推動香港發展類似房協長者屋模式，給市民更多選擇，而不是鼓勵臨老去一個語言不通、又唔熟悉嘅國家「安老」。