【帶阿媽去旅行】1 外遊的決心和準備

文：家寶

作為全職照顧者已經踏入第九個年頭了…….. 終於可以同阿媽飛去台北旅行，亦都係佢85歲的生日禮物。不過我都係癲癲地同膽生毛才選擇外遊，咁啱工人姐姐仲要放大假。

阿媽是長期臥床病人，自從嚴重中風後，需要插鼻胃管，有失語症，右邊手不能活動，最遺憾是右腳因細菌感染而被截肢。

雖然她的身體有活動障礙，一直也無阻我帶她外遊的決心。

帶阿媽坐飛機，首先要有壯男幫手，因為有很多搬運工作。一直看顧我媽的中醫師在今年三月，首先提出可以陪同我們一起外遊，另外兩位年輕徒弟也答應一齊去，我便立刻訂機位，決定去最短程，又可以租福祉車的台北。

隨後大家便處理護照和入台簽證，購買旅遊保險等，由於阿媽在旅程中，臥床時間仍然佔頗多，所以我要訂一間五星級酒店，讓她睡得比較舒適。

訂好機位，就必須要聯絡航空公司，告知有關乘客的特別需要，例如阿媽部輪椅的尺寸，訂流質餐，預訂座位，還有機艙那部作轉移用途的 sky chair。

待續 ……….