【護士分享】病人突然離世（上）

如何助家人面對

文：安姑娘

返工經過休息室見同事吃飯，隨口搭訕：「喂，點呀！咁遲才吃飯，出面好忙？」

「唉！好慘！」

「什麼事？」

「2號床嬌姐昨天走了。」

「她本來就計劃出院回家啦，現在提早了所以好趕？」

「唔係呀，昨晚還幫她在洗手間，自己面對洗手盆坐着梳洗，返轉頭她就走咗！」

「咁突然？點會咁架？」

「就係囉！」

「她的家人怎樣？」

「我唔敢電話裡告訴她女兒。只說情況有變，請她們盡快趕來。」

「印象中她女兒懷着身孕，仲好錫媽媽的。」

「係呀，所以都擔心她，着她和其他家人一齊來，到步才敢告訴她。」

「跟住點呀？」

「我們幫嬌姐返回床上，整理好後她們就趕到了。我第一時間告訴她們事發前後的情況，她們卻不停重覆問點解？點解會咁？點會咁架？我重覆答了好多次，她們都好似聽唔到咁。我係咪做得唔啱？」

「你當時發現嬌姐咁就走咗，心裏即時的反應是什麼？」

「我諗：喂！唔係呀嘛！點會咁架！依家點呀！」

「你覺得好突然、估不到、唔知點做……」

同事點點頭：「從未遇過、心有些慌張……」

「有些亂，仲有小小嬲？」

「有點……嬲自己咁黑仔。」她苦笑。

「輪唔到你去選擇，只能硬着頭皮逐步處理。同時那些想法在圍繞、在盤旋，甚至到現在事情已經過去了，仍然覺得……好慘！」

「係。」