「想像一吓，如果疫情帶走自己或者家人，有冇啲說話好想講？有冇啲事好想好想去做？」家庭治療師李淑霞在網上講座建議，不妨以疫情為契機，加強與家中長者的溝通，了解一下他們的過去及未了心願，甚至對於死亡的想法。
她引述研究指出，親人去世後，因喪親者事前沒花時間陪伴及討論後事，成為纏繞一生的遺憾。趁著疫情，照顧者可主動向長者打開話匣子，關心他們的人生往事：「點樣偷渡，當初咁辛苦都捱得過嘅經歷。知唔知父母、祖父母人生中，最自豪嘅係咩事呢？」
聊過去，也聊將來
李淑霞說，很多長者都對晚期日子感到「囉囉攣」，希望事先可交帶怎樣度過，但家人一般都「接唔到招」，事後卻因自覺身後事處理不當，感到遺憾。但與其遺憾，不知一起嘗試跟進：「既然佢講開，我哋即管試吓傾落去。了解清楚如果病咗，佢想喺邊度得到照顧？如果真係好危險，想唔想醫生搶救？即管問吓佢意願。」照顧者也可主動打開話題，例如看疫情新聞時，可以提出：「好陰功呀個伯伯，最尾嘅日子冇屋企人陪住，如果係我，與其入醫院不如留喺屋企⋯⋯」看看長者怎樣回應。
她續指，研究顯示處理長者的未完心願也很重要，有人想出書，也有人想開畫展、去鄉下走一趟，或是處理好家人的關係。曾經有一位女士求助，因自小認為母親重男輕女，故母女關係非常差：「青少年時期就開始一直鬧媽咪，大個後見親面都冇好下場。」
但母親去世後十多年，她一直面對很大創傷，不停問自己：「點解我有媽媽嗰陣，淨係識鬧佢？」可見心結未了，不單會影響離世者，亦會纏繞在世者一生。
另一個故事中，一位患漸凍症的伯伯，全身上下僅一隻手指能活動，用來遙控輪椅。有一天，他帶著妻子和女兒尋求輔導，向李淑霞拋低一句：「你幫我搞搞佢哋嘅關係啦。」然後便轉身，坐著輪椅走出門口。追問之下，伯伯才說：「唉，我終於等到呢一刻，佢哋肯聽我呢個心願。我好想佢哋傾吓，唔使我做傳聲筒。」原來直至生命晚期，他最大心願是家人和好，「當講咗呢個心願，佢就覺得自己安落了，可以告辭」。
防疫不是斷六親
「其實我哋嘅生命唔係冇deadline，長者都老了，剩低日子未必好多⋯⋯疫情下，仲有冇空間可以講『遲啲啦』？」李淑霞強調，千萬不要讓家人在疫下成為孤島。
外國開始發展出一種新的疫下關心模式── long distance caregiving（遠程關顧），照顧者可利用各種方式與長者保持關係，簡單如寫信、畫畫、唱歌等，或是多用電話或社交媒體問候，長者已經很開心。「就算唔可以好似以前咁，一個禮拜食一餐三個鐘嘅飯，但可以打散呢三個鐘，每個星期打去問候吓，佢哋就會覺得自己被記掛住。」
資訊分享也很重要。「資訊爆炸會影響一個人的心理狀態，令人易焦慮。」她提議較擅用網絡的後輩，可以為長者過濾及分隔資訊，讓他們安心抗疫，免受繁複資訊困擾。當長者有緊急需要，若不便立即上門，亦可打電話找救兵，例如購買物資、叫外賣、電器維修等，均提供上門服務。
至於家人之間的矛盾，李淑霞認為核心來自愛，最重要坦誠相告、易地而處。面對家庭衝突時，我們可嘗試以下四部曲：
- 冷靜：不要說出傷害對方的說話，令自己後悔
- 反思：矛盾出於關心，真正目的是解決眼前問題，而非否定眼前人
- 聆聽：聽清楚對方的說法，並要讓對方知自己聽到，例如用口重複一次
- 放手：照顧對方需要，「突然走去錫佢一啖，對方即刻冧晒、放軟手腳，啲嘢就容易傾」「就好似一個衛星喺太空當中，即使幾遠距離，我哋都總會搵到方法接觸，傳達關心。