【大人健康課】原來咁就算失禁？

香港人每７個就有１個失禁！

老人泌尿外科學會曾經調查40至79歲的香港人，患病比例比大家想像高，出現以下徵狀，已經算失禁：

滲尿

尿意密，但尿量少

打乞嗤、咳嗽、做劇烈運動時滲尿

夜尿多

小便不順

沒有在適當地方大小便

唔係年紀大，就一定瀨！失禁有好多原因，年紀只係其中一個，而失禁亦唔係不能逆轉。

老人科醫生莊麗建議：唔好等完全控制唔到嘅時候先做檢查！

「好多人誤會失禁係腎功能問題，其實唔係！

失禁原因有好多，有機會同膀胱、骨盆底肌肉、括約肌有關；可能係中風後控制力弱、認知障礙、糖尿病、膀胱活躍症；男士前列腺增生；曾分娩嘅女性則易有壓力性尿失禁；更有機會因為便秘影響致膀胱滿溢性尿失禁。也有啲住院舍嘅長者，因為要定時先有人帶佢去廁所，平日依賴咗尿片，一除咗片就唔識去廁所，造成功能性尿失禁。

搵出問題，部分可以食藥解決，有啲需要做盆底肌運動，失禁情況可改善。」

想知更多，可以睇：《失禁點算好》https://bit.ly/453xsuN