【50歲後才開始的事】年過半百又何妨

我從不諱言告訴別人，我今年50有餘，當别人不懂如何回應我的時候，還加多句，已順利過渡埋更年期喇，慌死人估我70歲咁！

年過半百，真心不想自己有一百歲，當我身體慢慢衰老，口齒不清，又食唔到好嘢，或者不認得人了， 到時會點呢？

無兒無女，或者先生又比我早走，似乎唯一途徑：入護老院？

那天跟朋友閒聊，講到心目中幾多歲才算老？我自己認為85歲，而最好90歲前走，可趕上靈堂「高壽」標籤！我朋友認為65歲，因為可以申請政府各項福利了。

經歷了人生上半場，無論拍拖、結婚、親人、健康、工作、朋友的離合等等，已有一定的沉澱，足夠姿態，冷眼旁觀，別人懂的懂，不懂也罷，免傷肝。

如果當50歲才是開始，活到90歲，還有40年喎，我會分50至70歲這20年是行動享受期，仍有足夠活力去做自己想做的事，例如學習、去旅行、扮靚靚⋯⋯到了70至90歲，重點便要照顧好自己的身體，要養生！食少啲、食好啲，保持輕巧運動，例如散步、伸展、游泳等等。當然運動、食營養食物不是要50+才去做，而是重點做。

另將其他一切煩惱事盡量放低，在人生的下半場，希望行得舒服又圓滿！