【給爸爸的信】1 

爸爸

我好掛住你，每日也想你

一想到就忍不住⋯⋯

唔知你記唔記得有次我哋坐巴士去街，你同我講希望自己有一百歲（計中國曆法你係101歲）！我話你一定有的！

你跟住話，如果自己一百歲會變做廢柴架啦，要買好多嘢架！

我答你：咁咪買好多廢柴用嘅嘢比你囉！

你就笑！

 

2022年10月5日，你中咗新冠，好了後又再肺炎，好了後又一個嚴重肺炎！

我真的好心痛好肉赤！

我想話你知，我從來沒有放棄你；我沒有騙你，我一定會帶你返屋企！

安排你去暫托院舍，只係醫生及社工比你最好嘅適當照顧！（但你以為我唔要你）

我喺呢段時間安排你日後回家時，俾一個好的照顧方式給你！

終於12月24日我接你回家，但你只留了兩小時！又要送入醫院！

我已想盡辦法去幫你

已安排日後怎樣照顧你

但你卻離開了我們！

 

記得好幾次你病倒、意外跌倒，我都在你附近，及時送你入院，康復出院！

你仲同我講：好彩有你在，救了我！

但今次我救不了你，你入院後就不能離開了

我真係萬分唔捨得！

明天真的要與你離別啦！

如果有下一世，希望可以再做父女，你仍然係我嘅好爸爸！

 

最近整理你的遺物時，睇番你本記事簿，你雖然冇乜讀過書，但寫的字真係好靚

你仲係一個好老闆，在世時幫過好多人，你也不望回報！真的以你為榮

睇番你食嘢啲相，真係食得好開心

你仲好鍾意扮靚，我常常偷拍你

你又好鍾意俾人影相，簡直係專業模特兒呀⋯⋯

你給我們好多好多美好回憶

我好榮幸能夠成為你女兒

 

爸爸，為何我沒有夢見你？

好想夢到你！

好想同你講，你係我們的冠軍爸爸

獎狀也準備好你生日時頒給你！

但你當時仍在醫院，我應該攞去醫院的，對唔住！我遲了

 

我知道你最擔心媽媽！

你放心，我會好好照顧媽媽的！

爸爸，請你原諒我呢個不孝女

 

囡囡上

2023月1月27日

______________

「仍放不下，感到自責，好多如果⋯⋯」畢業照顧者寫信給離世的父親，抒發思念，釋放自己。