【給爸爸的信】3

爸爸

您去到邊呀？

我好掛住你呀！

今日係你離開我們的第一百日！

 

爸爸，前幾天我同媽媽去咗銅鑼灣時代廣場逛，因為有個限期「叮噹」嘅產品賣

您知道我買咗咩？

係「隨意門」呀！

係相架嚟架！我打算放你張相入去！

我成日幻想，可以通過隨意門帶你返來 ——好想啊！

仲有呀！我同媽媽喺SOGO見到有夏威夷恤，大家一齊說出口：如果爸爸見到一定好鍾意！你真的不像98歲嘅老人家

唔知點解，有時彷彿你好似冇離開過

 

有時我會痴起條根，想著要幫爸爸買維他命呀！

要請假陪爸爸覆診呀！（只係一時想起，好快就回過神來）

行過百貨公司男裝部時，不期然都會同媽媽去撥吓啲男裝衫⋯⋯

成日都覺得你還在，但你真的離開了

雖然人哋話：時間耐咗就會慢慢忘記

但親情是無法忘記的！父母恩更甚！

現實中，有好多情景也會觸動對你的思念

一想到，眼淚就會自然湧出，有時流到好似冇關水喉

希望下一世我們可以再做父女

 

爸爸，我訂做咗個吊墜呀！入面放你張相，這樣戴住，就好似帶著你周圍去！

無論你離開有多久，我一樣咁掛住你

爸爸，媽媽好好，唔洗擔❤️

爸爸，我也好好，唔洗擔❤️

 

囡囡上

2023年4月10日

______________

「仍放不下，感到自責，好多如果⋯⋯」畢業照顧者寫信給離世的父親，抒發思念，釋放自己。