【50歲後才開始的事】輕老踩單車

文：Raymond
人哋做BB嗰時開始踩單車，我就臨老先學人踩單車。
後生時喜歡開車，因為貪佢自由自在，鍾意去邊就去邊！後來因工作關係，開始在歐洲踩單車代步。這才發現單車比開車自由得多！單車多數泊到門口，在城市開車就要搵位泊車，隨時泊完車之後要行十分鐘路。這時覺得開車是一種負累！
開始了單車代步的日子之後，就喜歡上踩完車成身大汗，沖個靚涼的感覺！於是開始了向體力上難度的挑戰。能力越高，自由度越大。由爬升一百米便高興了半天，到單車上武嶺（台灣超逾一萬呎高的公路）。再到在香港爬15%大長斜坡。之後就覺得天下之大，也再沒有單車不能到的地方了！
騎單車是旅遊最好的交通工具！用腳行，一天去不了甚麼地方。開車或坐車，就走馬看花。速度太快了。看到美景不能停下來欣賞，而且得一秒半秒時間，便只剩下模糊的記憶。騎車就快極有限，收一收腳，便享受更多美景，更可乘機停下來飲水和拍照。
有了騎單車這興趣，便不用再找其他運動來強健身體。單車外遊，上山下水，隨便一騎便是一兩小時以上，消耗上千卡路里。跟著便可安心享用美食！