醫生問爸爸平時血糖度數，爸爸說正常。阿冰心裡反駁爸爸平時都不肯「篤手指」驗血糖。

醫生說爸的蛋白尿很嚴重，已經去到第四期，第五期就要洗腎，這都是因為糖尿控制不好，只靠每幾個月抽血化驗並不足夠，還要看空腹和餐後的度數。現在腎臟衰退到這程度，建議自費買腎臟病人專用的糖尿藥，希望可以減慢對腎臟的傷害。

阿冰問醫生在家轉藥，每天要篤幾多次手指？醫生說暫時最好每日三次：空肚、午餐後兩小時、同晚餐後兩小時。醫生教她血糖度數去到某個數字，就要增加糖尿藥。阿冰特意借意重覆再問多一兩次，希望爸爸回家可以配合。

父女離開醫院，走到車站，爸爸已經急不及待要阿冰去買自費的糖尿藥。

「現在已經是晏晝12點半了，同你返屋企食飯先啦。」

「你返到去，跟住又要再出過嚟，咁嘥時間，而家去買啦。」

「你唔食飯，我都要食呀！」

爸爸於是拿出$500：「夠不夠？」他再拿多$500，再催阿冰買藥。

阿冰知道說不過，就答：「你記唔記得約了上門的物理治療師1點到3點？」

爸爸一支箭趕回家，仍然要阿冰先去買藥。她心裡嘀咕：「在外吃飯又貴又多味精，爸爸仍然不想先回家吃，這樣怎去控制糖尿？」

過了兩天，阿冰問爸爸在家有否驗血糖，爸爸推搪，說血糖紙過期，兩周後精神科覆診時才買。阿冰知道就算幫他買血糖紙，他仍然不會用，之前的就是這樣過期。

爸爸繼續說：「我血糖有高有低，你估我唔知咩！咁大個人，糖尿了咁多年！」他試過其他疾病進醫院，發現空肚血糖會降低，於是就用這方法「過關」。而當醫生因而減少糖尿藥，爸爸就認叻：「係咪呢，成日要我食咁多藥！」

阿冰回嘴：「咪係囉，勸過你幾多次，仲要自己攞糖食，食之前唔測吓，你諗諗冤枉地食多幾多藥呢？我都替你唔抵呀！ 」

爸爸買到血糖紙後，阿冰問血糖指數。他只是簡單答一句：「高。」

「幾多度呀？」

「9。」

「餐後兩小時，有冇再測？」

「唔講啦。」爸爸收線。