這些津貼暫託費用便宜，可是名額有限，部份需輪候數月，難以解決緊急需要。日間暫託服務沒有上門接送服務，最多安排巴士在樓下接送，一些照顧者未必可以配合。

政府委託香港理工大學進行的照顧者研究報告指出，照顧者不知道有暫託服務。香港婦女中心協會回應指政府應正視名額不足、申請程序複雜的問題。社聯則建議政府在十八區設立「照顧者社區支援隊」，由社工介入及組織鄰里，為有需要的照顧對象提供簡單暫託服務，應付照顧者的緊急需要。

負責暫託的護士陸細茵表示，暫託時段很自由，會按照長者的身體狀況及需要安排活動。「朝早會帶佢去公園做運動，有時甚至會開一枱麻雀，佢哋好開心㗎！」她笑著分享，有一位輕度認知障礙症婆婆很喜歡打麻雀，「一見到麻雀個人就『叮』一聲醒晒，平時行路比較差，但打完麻雀佢可以行到，我都覺得好神奇，麻雀真係咁大威力！」

暫託期間，陸細茵會乘機留意長者的健康變化，提醒家人注意。她憶述有一位婆婆，每次暫託後都會由她送回家，「會問佢行邊條路、搭幾號𨋢，每次都要佢自己撳𨋢」。但自從請了工人後，有人管接管送，「問婆婆住幾多樓，佢話『唔記得啦』」。她建議家人多給予婆婆一些自理空間:「佢有能力嘅，好多嘢唔係做唔到。就算洗碗洗得唔乾淨，咪叫工人洗多次。」

暫託以外，中心會定期舉辦健腦班、減壓活動、講座和茶聚。長者上堂期間，照顧者可以留在中心等下課，也可外出辦事或「鬆一鬆」。

服務經理李婷婷笑言：「所以我哋用健腦活動做包裝，實質上做緊託管。」曾有照顧者反映，長者使用服務後會做出一些「超出認知嘅嘢」，「例如以前唔食嘅嘢，而家肯食，呢啲突破令照顧者有正面衝擊」，慢慢建立信任後，便更願意帶長者來。